樂桃明年拓香港飛沖繩

於7月啟航的香港首家直飛日本的廉航公司樂桃航空（Peach），本月初載客量突破100萬人次大關，持有33.33%權益的第一東方投資，主席諸立力表示，目前75%平均運載率符合集團預期，將於明年3月增設一條往返日本沖繩的航班。

樂桃航空目前有36條航線，其中國際線有直飛香港、首爾及台北。諸立力表示，集團有意開拓更多國際航線，例如增設一條由日本飛往台灣的航班；至於由日本直飛中國航線，基於商業考慮，暫時未能開通，「其實公司喺日本飛往北京同上海嘅航線最近拎咗降落位，但由於今年中日關係有啲緊張，我哋覺得旅客量方面未夠成熟，所以暫時唔開住，但將來一定會開，因為往返兩地嘅廉航係有市場需求。」他指出，有意增設多一班日本飛香港線，但要視乎香港會否興建第三條跑道。

按需求增訂飛機
樂桃啟航時曾透露，會使用10架A320空巴，目前已使用6架，並在明年底前用盡10架。諸立力表示，已向飛機租賃公司再預訂7架飛機，型號可能是A320空巴NEO或是新款波音737客機，並會按需求再增訂多3架，以備2014至15年發展。

對於今年中日關係，諸立力認為，這政治因素並無打擊他對日本的投資信心，「中日係一種特殊關係，永遠唔會最好，但唔會最差，我哋有份投資日本嘅商人，都希望兩地政府避開雙輸，努力爭取共贏局面。」

他指出，第一東方目前已投標日本一項太陽能電力項目，明年3月揭曉，「自從311地震，日本都想減核電，呢個項目政府會畀42日圓一度買電，市價係35日圓一度，我已經搵咗一間內地太陽能國企，一中標就用大陸貨，即係一個項目投資中日兩地。」